No.7712/2020-2021

Vawiin zing hian  Vaivakawn Thlanmual atanga NH-54 Sairang Road motor hmanga pawh thlakna tur kawng sial mek chu Pu Lalruatkima bialtu MLA hovin tlawh a ni. He hunah hian hna thawh mek kallai te en a ni a, hnathawktute'n harsatna a tawh awm theite enfiah nghal a ni. 

Pu Lalruatkima, Minister chuan, "Zohnuai aṭanga Vaivakawn Thlanmual paltlanga by-pass road siam mek a ni hi a lawmawm ka ti tak zet a. He by pass road hi Pu Zoramthanga CM PWD changtuin, Hunthar Venga leimin awm thin avanga mipuiin harsatna kan tawh thin sutkianna tura min ruahman pui a ni a. Covid-19 hrileng avangin sum harsatna kan tawk chunga ruahmanna CM-in a siam hi a lawmawm tak zet a. He kawng hian mi tam tak tan awlsamna a thlen ngei ka ring a ni," a ti.

Pu Lalruatkima chuan hnathawktute chu fur ruahtui tlak hma ngei a thawk zo turin hnathawktute chu a hrilh.

Pu Lalruatkima hi bialtu Councillor Pu Lalfakawma Chenkual leh khawtlang hruaitute'n an ṭawiawm a ni.