3376/2023-2024

Lunglei; the 17th January, 2024: Vawiin 17th January 2024 (wed) hian Govt. Middle School Complex, Vanhne-ah Art & Culture Department leh MCO General Headquarters, Lunglei te leh VC & YMA Branch Vanhne te buatsaihin "Cultural Festival" hlawhtling tak neih a ni.

A hawnna programme hi Pu R. Lalsangvunga, President MCO General Headquarters-in kaihruaiin, Pu Lalawmawia, VCP Vanhne in hunserh a hmang a. Khuallian Pu Lalzuithanga, Chairman Lunglei Municipal Council (LMC) chuan thuchah sawiin "Kan hnam ziarang culture tel lovin Mizote hi kan Mizo thei lova. Chuvang chuan kan culture leh tradition te hi ngaihluin i vawng nung zel ang u" tiin kal khawmte a chah a. Pu RK Lalawmpuia, Senior Research Officer (Art & Culture)-in he Festival buatsaih a nih dan leh buatsaih chhante sawiin lawmthu sawina hun a hmang bawk a ni.

Festival-ah hian MCO branch hrang hrang leh Cultural troupe, an vaiin 12 ten hnamlam an entir bakah individual item 5 leh zaithiam zai 5 awm bawkin hun hlimawm tak hman a ni.