Lunglei North Bialtu MLA Dr. Vanlaltanpuia chuan vawiin chawhnu khan Lunglei Serkawna Lena Stadium siam mek a tlawh. Stadium a tlawhna ah hian helai hmuna hnathawktu NBCC hotu ten lo dawngsawngin an hnathawh kal mek chungchang leh harsatna an nei te an lo hrilh a, heng an harsatna neihte chu a theih ang anga hmalakpui a tum thu MLA hian a sawi a ni.
Hetihlai hian an lung hman thenkhat tha tawklo nia a hriat thu MLA Dr. Vanlaltanpuia hian hnathawktute hi hrilhin lung tha zawk ngaihtuah turin a ti a, an hnathawh kal mekah Mizo mipuite beisei ang ngeia rintlak takathawk tura hrilhin hna tha tawklo nia a hriat te pawh siamthat dan ngaihtuah turin a hrilh bak hnathawh zawh hun tura ruahman Kumin March thla chhunga hna zawh hman ngei tum turin a hrilh bawk.
