'Vantlang thilte hi neitu rilru pu in chhawr tangkai i tum thin ang u', Chief Minister Pu Lal Thanhawla chuan a ti. He thu hi vawiina New Secretariat Complex a Central State Library building a hawnna-a a sawi a ni.
Chief Minister chuan tun thlenga state central library kan la neilo hi a hnam ang pawhin a zahthlak hle a. Art & Culture Minister in ngaipawimawha, hma a lakna avanga hawn theih a ni ta chu a lawmawm hle a ni a ti a. Mizote hi lehkha chhiar taima hnam kan nih thin thu sawiin, TV leh thildang avangte in lehkha chhiar hi kan ngaihthah ta deuh em ni ang Chief Minister chuan a ti a. Lehkha chhiar tam hi hriatna leh finna min pe tu anih avangin library te chhawr tangkai turin mitinte chu a sawm a. Mizo te hi loan lak uar tak, a rulh leh ngaihthah tlat thin kan nih avangin bankah kan ba ping deuh zel a, chutiang deuh chuan library a kan lehkhabu hawhte hi pekir lova hawh hlen tum ta mai kan awm thin hi, vantlang bungrua kan chhawr dan leh kan enkawlna ah neitu rilru pu-a, thil tha nei tlak hnam kan nih thiam a kan zir a tul hle a ni a ti.
Chief Minister chuan hriatna tizautu atana mimalin private library an neihte leh YMA te pawhin library an enkawlte hi tanpuina awm thei thin se a duhthu a sawi bawk a. Central library a hawn tak hi rampum tan rahbi pawimawh tak a ni tiin, mitinin kan tangkaipui theuh theihna turin duhsakna a hlan a ni.
Pi Sairengpuii, Secretary to Govt of Mizoram,Art & Culture Department changtu chuan Mizoramah State library hi kum 1974 a din tan anih thu sawiin, Lunglei leh Saiha ah district library din nghal anih thu a sawi a. State library hi kum 1974 leh 2011 inkar chhung zawng khan mimal in luaha kal chhohpui a ni thin a.Tunah hian Art & Culture Department enkawlna hnuaiah central library bakah district 5 ah awm bawkin sorkar hriatpuinain Mizoram hmun hrang hrangah library 425 a awm bawk a. Heng zawng zawng te hi Raja Ram Mohan Roy Library Foundation (RRLF), Kolkata tanpuina atanga din leh enkawl an ni a, senso zawng zawng hi RRLF in 90% tumin a bak 10% chu state tum ve a ni. Kumtin lehkhabu engemawzat RRLF hian a rawn pe thin a, tunah hian central libraryah hian lehkhabu 73,165 vel a awm a ni.
Vawiina library building hawn tak hi Raja Ram Mohan Roy Library Foundation hnen atanga sum hmuh, cheng nuai 125 senga sak a ni a. Mizoram PWD hnuaia enkawl niin, a sak hna hi april 2007 khan bul tanin a building ngawr ngawr hi December 2009 khan zawh a ni a. Sak belh leh thil tul dang peih anih hnuiin hawn theih alo ni ta a ni. A zau zawng hi 1300.87 sqm a ni a, Basement I , II,Ground Floor, First Floorah te a chhawnga then a ni.
Hawnna inkhawmah hian Ministers, Speaker, Dy Speaker, Parliamentary Secretaries leh MLA te an tel tha hle a ni.
Chief Minister chuan hriatna tizautu atana mimalin private library an neihte leh YMA te pawhin library an enkawlte hi tanpuina awm thei thin se a duhthu a sawi bawk a. Central library a hawn tak hi rampum tan rahbi pawimawh tak a ni tiin, mitinin kan tangkaipui theuh theihna turin duhsakna a hlan a ni.
Pi Sairengpuii, Secretary to Govt of Mizoram,Art & Culture Department changtu chuan Mizoramah State library hi kum 1974 a din tan anih thu sawiin, Lunglei leh Saiha ah district library din nghal anih thu a sawi a. State library hi kum 1974 leh 2011 inkar chhung zawng khan mimal in luaha kal chhohpui a ni thin a.Tunah hian Art & Culture Department enkawlna hnuaiah central library bakah district 5 ah awm bawkin sorkar hriatpuinain Mizoram hmun hrang hrangah library 425 a awm bawk a. Heng zawng zawng te hi Raja Ram Mohan Roy Library Foundation (RRLF), Kolkata tanpuina atanga din leh enkawl an ni a, senso zawng zawng hi RRLF in 90% tumin a bak 10% chu state tum ve a ni. Kumtin lehkhabu engemawzat RRLF hian a rawn pe thin a, tunah hian central libraryah hian lehkhabu 73,165 vel a awm a ni.
Vawiina library building hawn tak hi Raja Ram Mohan Roy Library Foundation hnen atanga sum hmuh, cheng nuai 125 senga sak a ni a. Mizoram PWD hnuaia enkawl niin, a sak hna hi april 2007 khan bul tanin a building ngawr ngawr hi December 2009 khan zawh a ni a. Sak belh leh thil tul dang peih anih hnuiin hawn theih alo ni ta a ni. A zau zawng hi 1300.87 sqm a ni a, Basement I , II,Ground Floor, First Floorah te a chhawnga then a ni.
Hawnna inkhawmah hian Ministers, Speaker, Dy Speaker, Parliamentary Secretaries leh MLA te an tel tha hle a ni.
Attachment
- Loading attachment...
