Vawiin chhun khan Pu Lalmalsawma IAS, Secretary, Finance Department chuan Secretariat Conference Hall-ah ni thum awh tur "Value Added Tax (VAT) Manual Training for the Officers of Taxation Department" chu a hawng. Training hi Administrative Training Institute (ATI), Mizoram hriatpuina a Taxation Department, Government of Mizoram leh Institute of Chartered Accountany of India (ICAI), New Delhi tangkawp ten an buatsaih a ni a, July 14 -16, 2010 chhungin Administrative Training Institute (ATI) ah training hi neih a ni ang.
Pu Lalmalsawma chuan Taxation Department hi a tirah chuan Finance Department peng pakhat niin tlawm tein bul a tan a, thawktute thahnemngaihna leh ram hmasawnna thang zel avangin tunah chuan Sawrkar sum hmuhna hnar pawimawh tak a lo ni ta a ni a ti a, kum 2005 a Mizorama VAT chhiah lak anih hnu phei chuan Department hian nasa lehzualin hma a sawn a ni a ti bawk.
Sawrkarin a tihtur bulpui ber chu mipuite hnen thleng phak leh rin tlaka hnathawh a ni a ti a, hmasawnna leh ram thang zelah hian sawrkar hnathawkte pawhin an thiamna leh finnate tunlai mil ang zela tihpun a tul thu sawiin hetiang thahnemngaihna rilru putna atanga Training hi buatsaih a ni a, he Training hian chhiah awl rukna avanga Sawrkarin sum tamtak a hloh thin tih tawpna kawngah awmzia thui tak a neih a beisei thu a sawi bawk.
Pu Anuj Goyal, Chairman, Committee on Public Finance & Government Accounting, ICAI pawhin VAT hi sawrkar sum hnar pakhat anih thu sawiin, hetianga Taxation department-in VAT Audit dan tur Training an buatsaih chu a lawm thu a sawi bawk a, Mizoram chuan lehkhathiam tamna State anih avangin India rama State hmasawn chak berte zing ami ni turin theihna a nei a ni a ti a, kan thiamna leh finnate anihna ang taka kan hman thiam chuan hmasawnna hi a thleng ngei ngei a ni a ti bawk. Mizorama chu India ram State kilkhawr bera sawi hi a diklo ani tiin ramria insumdawntawnna (border trade) thang zel avang hian State pawimawh leh hmasawn berte zing ami a ni a ti bawk.
He Training hawnna inkhawm hi Pu Lalthansanga, Secretary, Finance Department-in a kaihruaia, Taxation Commissioner Pu Lalthangliana Varte-in lawmthu sawiin a khar a ni.
He Trainingah hian Mizoram chhunga Taxation Officer-te Superintendent achin chung lam mi 26 an tel a, Training hi Institute of Chartered Accountany of India (ICAI), New Delhi a mithiam ten an pe dawn a ni.
Sawrkarin a tihtur bulpui ber chu mipuite hnen thleng phak leh rin tlaka hnathawh a ni a ti a, hmasawnna leh ram thang zelah hian sawrkar hnathawkte pawhin an thiamna leh finnate tunlai mil ang zela tihpun a tul thu sawiin hetiang thahnemngaihna rilru putna atanga Training hi buatsaih a ni a, he Training hian chhiah awl rukna avanga Sawrkarin sum tamtak a hloh thin tih tawpna kawngah awmzia thui tak a neih a beisei thu a sawi bawk.
Pu Anuj Goyal, Chairman, Committee on Public Finance & Government Accounting, ICAI pawhin VAT hi sawrkar sum hnar pakhat anih thu sawiin, hetianga Taxation department-in VAT Audit dan tur Training an buatsaih chu a lawm thu a sawi bawk a, Mizoram chuan lehkhathiam tamna State anih avangin India rama State hmasawn chak berte zing ami ni turin theihna a nei a ni a ti a, kan thiamna leh finnate anihna ang taka kan hman thiam chuan hmasawnna hi a thleng ngei ngei a ni a ti bawk. Mizorama chu India ram State kilkhawr bera sawi hi a diklo ani tiin ramria insumdawntawnna (border trade) thang zel avang hian State pawimawh leh hmasawn berte zing ami a ni a ti bawk.
He Training hawnna inkhawm hi Pu Lalthansanga, Secretary, Finance Department-in a kaihruaia, Taxation Commissioner Pu Lalthangliana Varte-in lawmthu sawiin a khar a ni.
He Trainingah hian Mizoram chhunga Taxation Officer-te Superintendent achin chung lam mi 26 an tel a, Training hi Institute of Chartered Accountany of India (ICAI), New Delhi a mithiam ten an pe dawn a ni.
Attachment
- Loading attachment...
