Vawiin chawhma dar 10:30 khan Saikuti Hall ah Lunglei Govt. College Student Union te huaihawtin Teachers Day 2011 (Golden Jubilee) hman a ni. Biaksiamthanga Vice President SU, LGC kaihhruaina hnuai ah Pu Joseph Lalhimpuia Vice chairman HPC Lunglei chu khuallian a ni.

Pu Joseph Lalhimpuia  chuan thusawiin kum tina kan hman thin 5thSeptember  hi Dr. Sarvapalli Radhakrishna a piancham a ni a, amah hi Philosopher ropui khawvel pumin an hriat mifing leh rem hria zirtirtu tha leh taima anih avangin a pianni 5th September hi India rampumah Teachers Day atan hman ani ati. Nakina kan fate awmdan tur hi vawiin a an thinlung a kan zirtir ah a innghat a, ram siam thatu bul ber chu zirtirtute an ni a, zirtirtute tellovin kan ram hi a kal theilo a, hma a sawn thei bawk hek lo a ti. Chuvangin zirtirtute chu inrintawkna neia tumruhna leh thawhrimna nen zirlaite  zirtir turin a duh a ni. Zirlaite chungah nelawm leh innghahna tlaka awm turin a duh bawk a ni. Zirlai te pawhin zirtirtute ah an innghat a,  zirlaite beisei tihhlawhtlin sak tura a duhthu a sawi bawk. Naupang kan zirtirte an rilru a kan tuh te hi nakin hnua kan ram hruaitu tur te an ni dawn a zirlai te pawh discipline in neih that chuan hlawhtlinna tha tak neih a beisei a ni a ti.

He hun ah hian PuV.Sapchhunga, IAS, DC Lunglei pawhin thusawiin, Lunglei Govt. College in Teacher’s Day an buatsaih avangin lawmthu a sawi a, Prof. C.Hrangdula Principal Lunglei Govt. College pawhin thu a sawi bawk. Rev. K.Thanzauva, President, BCM in hunserh a hmang a, Govt. College ah hian zirlai 852 an nei a, Regular zirtirtu 32 leh Contract 21 an nei bawk a ni.