No.1792/2020-2021

Meeting-ah hian Quarantine Centres enkawl mek dan leh hmasawn dan turte chipchiar taka sawiho a ni a, Covid-19 kai hriatchhuah thar pahnih te enkawl zui chungchang pawh sawiho a ni.

Khawzawl District chhunga khung hran mek te swab sample thawn zinga pahnih chu nizan khan a tesult a rawn chhuak a, mi 123 test zingah mi 2 in Covid-19 an vei tih hriatchhuah a ni. Covid-19 vei tih hriatchhuah te hi ni 1.06.2020 zing-a Delhi atanga Khawzawl lo thleng hmeichhe pahnih an ni a, pakhat zawk hi Isolation Centre-a awm lai a ni a, a dang pakhat hi Vengthar Kohhran Hall-a khunghran lai a ni. Vengthar Kohhran Hall ami hi tukin zing Dar 1:10AM khan Isolation centre-ah dah nghal a ni. An pahnih hian natna langchhuak lo (asymptomatic) an ni a, taksa harsatna an nei rih lo. Medical team ten a tul angin an enkawl nghal a ni. Covid- 19 kai hriatchhuahte hi khunghran lai an nih avang te, tha taka enkawl an nih avangte leh natna langchhuak lo (Asymptomatic) te hian midang kaichhawnna chance an neih san loh avang te in mipui tan chiai na tur a awm lova, Sawrkar leh District lama thu neitute thu ngaichang hram hram turin Khawzawl District DLTF chuan mipuite a ngen a ni.

DLTF hnenah a tul anga hman atan Kohhran Pavalai Pawl Tlangpui ten Rs. 3,000.00, Pi Romuanpuii Zadeng in Rs. 10,000.00, Khawzawl Chhimveng Presbyterian Kohhran ten Rs. 20,000.00, MNF Khawzawl North Block ten Rs. 5,000.00, Khawzawl Ex- MNA ten Rs. 10,000.00, MNF Khawzawl South Block ten Rs. 5,000.00, Venglai Presbyterian Kohhran ten Rs. 1,00,000.00, New Chalrang Self Help Group ten Antam, phuihnam, theihai leh theite-a vaiin bag 13 an rawn pe bawk

Tun dinhmunah Khawzawl District chhungah Covid 19 hrileng avanga Quarantine Centre leh Isolation Centre-a khunghran mi 199 an awm mek a ni.