No.158/2021-2022

Aizawl, the 16th April, 2021: Vawk natna hri African Swine Fever (ASF) laka Aizawl District mipuite kan fihlim theih nan Section 144 CrPC hmangin Aizawl DC chuan 15.4.2021 khan khapna thupek a hnuaia mi ang hian a tichhuak.

1) Ram dang leh State dang atangin vawk leh vawksa atanga siam thil eng pawh lak luh khap tlat a ni.
2) State pawn atanga vawk la lut duh chuan AH&Vety Department phalna an la hmasa phawt tur a ni.
3) Vawk damlo reng reng chu talh emaw a thi emaw a nihin a sa chu ser emaw, rep emaw, thil danga siam danglam leh hralh khap tlat a ni.
4) Vawk damlo thi ruang chu a neituin khur thuk taka laihah a phum ngei tur a ni a. Hmun danga thehthang khap tlat a ni.

He thupek hian thu leh awm hma chu, puan a nih atanga thla hnih chhung a huam ang a. A bawhchhia chu Indian Penal Code, 1860, Section 188 hnuaia hrem theih an ni ang.