1671/2023-2024
District Magistrate, Champhai District Pu. JAMES LALRINCHHANA chuan a hnuaia thuchhuah dated 26.08.2023 a siam.
Tunlaiin Champhai District chhungah vawk damlo leh thi a awm leh ta nual a, vawk natna hri a darh zel lohna tur leh kan District kan him zel theihna tura hmalak a tul a.
Chuvangin, kei, JAMES LALRINCHHANA, DISTRICT MAGISTRATE,CHAMPHAI DISTRICT, CHAMPHAI chuan Sec. 144 CrPC, 1973 (Act II of 1973) inthuneihna min pek angin a hnuaia khapna thupek hi ka chhuah e.
1) Champhai District chhungah ram dang leh state dang atanga vawk,vawksa leh vawksa atanga siam reng reng lakluh phal a ni lo.
2) District dang atanga vawk, vawksa leh vawksa atanga siam lakluh leh District danga thawn chhuah khap tlat a ni.
3) District chhung Veng dang/khaw dang atanga vawk, vawksa leh vawksa atanga siam lakluh leh thawn chhuah phal a ni lo.
4) Vawk damlo talh khap tlat a ni.
5) Vawk damlo a awm chuan dah hran vat a, vawk thi reng reng thuk taka phum tur a ni.
6) Vawk thi leh damlo an awmin A.H. & Vety 0fficial-te hriattir vat tur ani.
He thupek zawm lo tu chu IPC Sec. 188 hmanga hrem an ni ang.
He thupek hian chhuah a nih atanga thlahnih (2) chhung a huam ang.
He thupek hi Court Seal-a nemin vawiin ni 26th August, 2023 hian hming ka ziah hnan e.
