No.63/2021-2022

Tunlai hian Mizoram chheh velah leh Lunglei District-ah Vawk natna leng mekin, Lunglei District-ah Vawk tam tak an thi tawh a. Heng natna hi a lo darhzau zel loh nan leh a theih ang anga kan lo inven theih nan khapna thupek chhuah a tul a.

Chungvangin, Order tihchhuah tawh No.C.15016/2/2020/.DCL(C) Dt. 12 March,2021 luahlan in KULOTHUNGAN A IAS, District Magistrate, Lunglei District chuan Sec 144 of Cr.P.C.1973-in thuneihna a pek angin a hnuai a mi ang hian thupek thar Dt. 8.4.2021 ah a ti chhuak e.

1. Thenawm ram (Foreign countries), State dang leh District dang atanga Vawk, Vawksa leh Vawksa atanga eitur siam reng reng lakluh leh thawn chhuah khap tlat a ni.
2. Vawk thi reng reng paih mai mai lovin thuk taka phum thin tur a ni.
3. Vawk talhtu ten vawk hrisel chauh an talh tur a ni.
4. Vawk neituten vawk damlo an hralh tur a ni lo.
5. Lunglei District eng khua atang mahin vawk lak luh leh lak chhuah phal a ni lo.
6. Lunglei Town area chhung, veng pakhat atanga veng dang vawk talh tur emaw vulh tur emaw la lut tur reng rengin an lakna tur veng (Vawk awmna veng) leh an thlenna tur venga VC/YMA leh chung veng bialtu Vety Field Staff te lehkha,Seal leh Signature chuang ngei an nei tawn ngei tur a ni.

He thupek hian Dt.8.April,2021 atanga thu leh awm hma chu hman a nih atanga thla 2 (hnih) chhung a huam ang a. He thupek zawm lote chu Sec 188 of IPC hmanga hrem theih an ni ang.

He thupek hi Dt 8.April,2021 hian Court Seal chhu-a nemnghetin District Magistrate KULOTHUNGAN A in a ziah hnan e.