Champhai leh a chhehvela Vawk hrileng chungchangah AH & Vety Commissioner chuan hetiang hian thuchhuah a siam :
Champhai khua leh a chheh vela Vawk hrileng chung chang hi Animal Husbandry & Veterinary Department, Mizoram chuan uluk takin a vil chho va. He natna hi Porcine Reproductie & Respiratory Syndrome(PRRS) a ni tih finfiah a ni a. He natna hrileng hi a chhan leh vang finfiah a nih rual rual hian Champhai District Magistrate hnenah ngenna siam nghal a ni a. Khua leh khua inkar a vawk lakluh khap tur leh vawk thi te chu phum bo nghal zel turin leh khawchhak Myanmar atanga vawk lakluh khap turin ngen a ni. Hemi bakah hian AH & Vety Department chuan natna hrileng lama hma la turin Rapid Response Team for Disease Outbreak a tir chho nghal a, an ni hian screening te leh vawk thi zat te finfiah a mipui hnena a invendan tur zirtir nghal tur a hmala tur a hriattir an ni.
Hetih lai hian Lawngtlai leh Lunglei lamah pawh vawk natna hrileng ang deuh a awm avangin Vety Doctor thiam rual te tirh mek an ni bawk.
He natna hi lo zir chian tawh a nihna atangin mihringah leh ran dangah kaichhawn theih a ni lova. Amaherawhchu vawkah hian awlsam taka inkaichhawn theih a nih avangin vawk vulhtute fimkhur tura ngen an ni.
