No.286/2021-2022

Lunglei the 27th April, 2021 : Tunlai hian Mizoram chheh velah Leh Lunglei District-ah vawk natna leng mekin, Lunglei District –ah vawk tam tak an thi tawh a. Chief Veterinary Officer, Lunglei chuan April ni 19,2021 khan Rahsiveng leh Salem Veng, Lunglei chu hri lenna hmun, Infected area ah a lo puang tawh nghe nghe a ni. He hri hi Rahsiveng leh Salem veng bakah a chhehvel leh District pumpui ah pawh leng thei dinhmunah a ding mek a, a lo darhzau zel loh nan leh a theih ang anga kan lo inven theih nan KULOTHUNGAN A, IAS, District Magistrate, Lunglei chuan Sec 144 of CrPC 1973 in thuneihna a pek angina a hnuai a mi ang hian thupek a chhuah.

1. Infected Area-a puan tawh Rahsiveng leh Salem Veng Lunglei atanga vawk lakchhuah emaw lakluh khap tlat a ni.

2. Vawk thi reng reng paih mai mai lovin, chinai nen thuk taka phum tur a ni.

3. Vawk dam leh dam lo hralh emaw talh a, a sa lakchhuah khap tlat a ni.

He thupek hi tihdanglam a nih loh chuan chhuah a nih atanga thla hnih chhung a huam ang. He thupek zawm lote chu Section 188 IPC hmanga hrem theih an ni ang.