District AH & Vety Office, Aizawl atanga thu dawn danin Vawk natna, Classical Swine Fever hri hi kum tin February atanga July thla ah a leng thin a. Hemi hri leng avanga mipuiten buaina leh harsatna kan pumpelh theih nan hetiang hian thuchhuah siam a ni;

Vawk thi reng reng tha taka phum vek tur a ni.

Vawk thi reng reng khamah emaw kawrah emaw paih mai mai loh tur.

District Magistrate phalna lovin Aizawl District chhungah khawi atang mahin vawk lakluh phal a ni lo.

Aizawl District chhung atangin Vawk lakchhuah phal a ni lo.

Vawk talhtuten Vawk hrisel tha chauh an talh tur a ni.

Vawk neituten Vawk damlo an hralh tur a ni lo.

He thupek hian thu leh awm hma chu puan a nih atanga Thla hnih (2) chhung a huam ang a, he thupek zawmlo te chu Sec. 188 of IPC a hrem an ni ang.