No.1958/2021-2022
Aizawl the 23rd, August 2021: Tunlai hian Mizoram chhehvelah leh Lunglei District-ah vawk natna la leng mekin, Lunglei District-ah vawk tam tak an thi tawh a. Heng natna hi a lo darhzau zel lohna turin leh a theih ang anga kan lo inven theih nan khapna thupek chhuah a tul a.

Chuvangin, Order tihchhuah tawh No.C.15016/2/2020/DCL(C) Dt.17th June, 2021 luahlan in Pu Kulothungan A IAS, District Magistrate, Lunglei District chuan Sec 144 of Cr. P.C. 1973-in thuneihna a pek angin a hnuaia tarlan ang hian thupek thar a chhuah e.

1. Lunglei Town area chu Vawk hri lenna (Infected Zone) a puan a nih angin Vawk talh khap a ni a, a sa/rep zawrh leh hralh chhuah khap tlat a ni.

2. Vawk hri len lohna ah Vawk talh tu ten Vawk hrisel chauh an talh tur a ni.

3. Vawk neitu ten Vawk damlo talh/vulh turin an ti ral mai tur a ni lo.

4. Lunglei District eng khua atang mahin Vawk lak luh leh lak chhuah phal a ni lo.

5. Hri avanga Vawk thi leh chhan hriat loh a thi reng reng paih mai lovin thuk taka phum thin tur a ni.

6. Thenawm ram (Foreign countries), State dang leh District dang atanga Vawk, Vawksa leh Vawk sa atanga eitur siam reng reng lakluh leh thawn chhuah khap tlat a ni.

He thupek hian Dt.19th August,2021 atanga thu leh hla awm hma chu hman a nih atanga thla 2 (hnih) chhung a huam ang a. He thupek zawm lote chu Sec 188 of IPC hmanga hrem theih an ni ang.