122/2025-2026

Dated Hnahthial, the 9th April, 2025 : Vawk pul hri a len thar leh avangin Hnahthial District Bawrhsap, Pi K. Vanlalruati chuan Hnahthial District chhunga vawk lakluh, vulh, hralh, talh leh a thi sawngbawl dan chungchangah thupek a chhuah.

ORDER

(Under Section 163 of Bhartiya Nagarik Suraksha Sanhita, 2023)

Mizoram hmun hrang hrangah Vawk pul hri, African Swine Fever (ASF) a len thar leh mek avangin Hnahthial District chhunga vawk la dam tha lai te an lo him zel theih nan leh hri a darh zel loh nan khuahkhirhna chhuah chhunzawm a lo tul leh ta a.

Chuvangin, kei, K. VANLALRUATI, District Magistrate, Hnahthial District hian Section 163 of Bhartiya Nagarik Suraksha Sanhita, 2023 in thuneihna min pek angin a hnuaia mi ang hian thupek ka ti chhuak e:

1) Hnahthial District chhungah District dang atangin Vawk, Vawksa leh vawksa atanga thil siam reng reng lak luh phal a ni lo. Tin, District chhung khaw pakhat atanga khaw dang a lak pawh phal a ni lo.

2) Tualchhung Vawk talh tur reng rengin Vawk hrisel tha ngei a ni tih finfiahna Veterinary Officer, Hnahthial emaw mahni khua theuha VC/VFA hnen atangin emaw an nei ngei tur a ni.

3) Vawk damlo nei chuan a rang thei ang berin District Veterinary Hospital-ah emaw mahni khua theuha VFA/VC te hnenah emaw an report thin tur a ni.

4) Vawk thi reng reng paih mai lovin disinfectant (chinai/ bleaching) nen thuk taka phum tur a ni.

5) Vawk neitu ten vawk damlo an hralh in an talh tur a ni lo.

He thupek zawm lo chu Section 223 of Bharatiya Nyaya Sanhita, 2023 dan hmangin hrem theih a ni ang. He thupek hian tul bik thila tihdanglam a nìh loh chuan tihchhuah a nih atanga thla 2 (hnih) chhung a huam ang.

He thupek hi Seal nemin Vawiin, 9th April, 2025 hian hming ka ziah hnan e.