3126/2023-2024

Dated Serchhip, the 20th December, 2023: Serchhip District Prabhari Pu Prakash Chapekar, Dy. Secretary, New & Renewable Energy hovin vawiin khan Serchhip DC meeting hall-ah Viksit Bharat Sankalp Yatra chungchang meeting neih a ni a. He hun hi Serchhip DC Pu David Lalthantluanga’n a kaihruai a ni.

Viksit Bharat Sankalp Yatra kaltlang hian Sawrkar Laipuiin mipui mimir khawsak chawikanna leh hmasawnna scheme hrang hrang a siam te inzirtir leh inhrilhfiah a ni a. Serchhip District Prabhari Pu Prakash Chapekar chuan mipuiin an chhawr tangkai ngei tur scheme a inziahluh nachang hre lo ten he Yatra atang hian inziah luh nachang an lo hriat theih nana duan a ni, a ti. Central scheme kalpuitu department hrang hrang hotute chu an hmalakna te mipui hrilhfiah piah lamah an chetvelna thlalak leh data kimchang taka lakhawm turin a hrilh a. Yatra hi neih zawh a nih hnuah eng ang chiahin nge awmzia a neih tih leh mipuiin an chhawr tangkai dan te sawrkar laipui chuan a enzui leh dawn, tih a sawi a ni.

Serchhip District ah hian December ni 16, 2023 khan Viksit Bharat Sankalp Yatra IEC Van chu DC tualzawlah vailiam a ni a. January 26, 2024 thlengin he Van hian Serchhip District chhunga khaw hrang hrang a fang chhuak dawn a ni.

Vawiin meeting ah hian Serchhip DC Pu David Lalthantluanga chuan Serchhip District in hma an lak tawh dan leh program an kalpui dan te, hmachhawp an neih te hrilhfiahna hun a hmang a. Serchhip District Prabhari Pu Prakash Chapekar hian vawiin vek khan Serchhip a chhuahsan leh nghal a ni.