4142/2024-2025

Champhai, 8th February 2025: Mizoram District 9 leh Municipal Area pahniha Village Council inthlan nei tura inbuatsaihna chuan a vawrtawp a thleng mek a. Champhai District-ah pawh inpuahchahna hi chak taka kalpui niin, vawiin khan inthlanna a mawhphurhna nei, District chhunga vote nei ten Facilitation Centre, DC Office, Keifangtlangah vote an thlak a ni.

Vawiinah hian Champhai District chhunga vote nei mi 67 ten vote an thlak a. Vote thlak diltu mi 75 awmin, vote tla zawng zawng hi za zela 89.33% a ni. February ni 6 (Ningani) khan inthlana  mawhphurhna nei, Champhai District pawn lama vote nei mi 14 ten vote an lo thlak tawh bawk a ni.

February ni 10 (Thawhṭanni) hian PRO leh RO te tan Training hnuhnung ber Kahrawt Community Hall-ah neih a ni dawn a. February ni 11 (Thawhlehni) hian Polling Party te chuan an duty-na hmun tur an pan ang.