No.4606/2020-2021

Dated Serchhip, the 31st August, 2020: Vawiin hian Serchhip Meeting Hall ah District Election Officer Pu Kumar Abhishek, IAS hovin Village Council inthlan 2020 neih zawh tak thlirletna an nei.

Pu Kumar Abhishek chuan, MPF, NGOs, MJA leh election thawktu, PRO leh RO zawng zawng te, Police, Power & Electricity, PHE, I&PR, leh department dang te, MCC Team te, Sector Officers te, Polling Station atana an building hman remtih saktu kohhran school leh tlawmngaipawl te, vote thlaka khua leh tui tha nihna hlentu district mipui zawng zawng chungah te lawmthu a sawi a ni. Thawktu zawng zawngte leh mipuite thuawihna zarah Serchhip district ah vote 80.61% tlain district vote tlak that berna an ni tih sawiin hetianga thawh hona tha leh duhawm hi chhunzawm zel turin a chah a ni. Pu. Lalmuansanga Ralte, Addl DC pawhin lawmthu sawiin, thawh hona tha tak vangin inthlanna fel fai tak kan hmu thei a ni, a ti a. Thawktute inpekna fakin an thawhrimna chu chhuanawm a tih thu a sawi a. A tir atanga atawp thlenga thawhpuitu Serchhip media mite an fakawm a tih thu leh vote chhiar Live Telecast a puangtu Cable TV inpekna chu mipuite tan hlu hlea a hriat thu a sawi a ni.

Tlawmngaipawl aiawh leh MPF aiawhte pawhin he hunah hian thusawiin; Serchhip District Election Office-a thawktute chu thawhpui nuam, zangkhai leh mahni hnaa inpe tak an nih avanga kawng engkima chet nuam an tih thu an sawi a. A tulna apiangah lawm taka an thawhpui zel tur thu sawiin, VC inthlanna falfai a awm theih nana thawktute zawng zawng chungah lawmthu an sawi a ni.

He thlirletna hunah hian hmun thenkhata vote thi a la tam deuh chhan nia hriat te sawi ho a ni a. Vote thlak dan inzirtirna uar deuh zawka kalpui a tul nia hriat a ni. Tin, hmasawnna atana tul leh tihngai awm thei chi nia hriat te pawh sawi ho a ni bawk.

He hunah hian Pu Kulothungan, IAS, SDO, Thenzawl, Pu Vishal Sah, IAS, Pu Malsawmtluanga, PD, DRDA & Chairman MCC Committee, Dr. ZD. Lalmuanawma, DMS, PC Laltanpuia, Addl. SP, Pi C. Lalduhzuali, SDO Sadar, Pu Vanlalhmachhuana, Election Officer leh MCC Team members zawng zawng te, Sector Magistrates zawng zawng te, DC Office a Officers zawng zawng te, NGO Co-ordination Committee aiawh te, YMA, MHIP, MUP leh MPF aiawhte an tel a ni.