No.624/2020-2021

Covid-19 avanga Lockdown chhungin kut hnathawktuten an thlai thar leh thei an hralh theihna tur leh mipuiin ei tur an neih theih nan a din Vegetables and Fruits Supply Chain hmalakna avangin March ni 28,2020 atanga April ni 27,2020 tlai dar 5:00 thlengin Aizawl  khaw chhungah Mizoram thlai thar trip 152 leh ram pawn atangin trip 7 lak luh a ni tawh. COVID-19 Vegetables and Fruits Supply Chain hnuaiah Home hrang hrang 9 (Pakua) hnenah a thlawnin thlai (Bawkbawn leh Zikhlum) vawi 14 pek a ni tawh a,  Aizawl veng hrang hrang Local-Level Task Force (LLTF) 78 in vawi 127 an veng mipuite tan thei leh thlai chawhmeh an lak sak tawh a ni.

Institution hrang hrangte, Hospital leh Venghimtu sipai leh Sahuan telin a vaiin Institution (Pawlho) 16 in vawi 21 chawhmeh thlai an la tawh bawk a ni.

COVID-19 Vegetables and Fruits Supply Chain hnuaia April ni 27,2020 thlenga thei leh thlai leina atana senso hi Rs. 10,010,013/- ani a, hralh chhuah tawh zat chu Rs. 94,34,997/- a ni. Hei bakah hian District zawng zawngah hmalak mek zel a ni.

Horticulture Department chuan District hrang hranga Division 8 ah leh Sub-Division 4 ah te fur thlai a sem chhuak nual tawh a, sem belh zel turin hma a la mek a ni.