AH & Vety Department chuan NLUP bawng sem hnuah bawnghnute thar chhuah tlem zawk anga sawi thin chu thu chhuah siamin an sawifiah.

NLUP bawng sem a nih hma kum 2006-2007 bawnghnute thar chhuah chu tons 15998 niin, 2007-2008 ah tons 16505, 2008-2009 ah tone 16882 a ni a, 2008-2009 kum tawp lam khan bawng natna avangin bawng a tlem a, hnute sawr pawh a tlahniam nasa, 2009-2010 a bawnghnute sawr chhuah chu ton 10630 chauh niin 2010-2011 ah tons 11427, 2011-2012 ah tons 13950 a ni a, NLUP bawng sem hnu 2012-2013 atang khan bawnghnute a lo pung zual ta a, tons 13639.18 niin 2013-2014 ah phei chuan tons 15304 a lo nih tak thu AH & Vety Department thuchhuah chuan a ti.

Kum 2006-2011 NLUP bawngpui sem hma a bawnghnute thar chhuah tlem leh tamah NLUP bawng sem hian nghawng a nei hman lova, kum 2010-2011 (NLUP bawng sem hma) bawnghnute thar zat chu 11427 tons anih laiin NLUP bawng Punjab leh Haryana ami lak hnu kum 2013-2014 chhunga bawnghnute tharchhuah chu 15304 tons a ni ta a, 3876 tons in a inthlau zawk a ni 33 % laiin a lo pung ta a ni tiin thuchhuah chuan a tarlang.