Vawiin khan Co-operative Hall, Babutlang-ah Vety Diploma Holder Association General Conference vawi 19-na neih a ni a, AH&Vety Minister Pu Nihar Kanti Chakma chuan Khuallian chan changin Conference a hawng a. Hawnna inkhawm VDHA President Pu K.Hranghlira kaihhruaiah hian AH&Vety. Director Pu L.B.Sailo chu Khual Zahawm a ni bawk.
Khuallian chuan thu sawiin Mizoram sorkar programme pawimawh tak NLUP-ah ranvulh thlangtu an tam em em a, ranvulha kan intodelh nan leh mipuiten sa thianghlim ei tur an neih theih nan ran hrisel tha kan neih theihna turin VDHA member ten mawhphurhna sang tak an nei a, chu chu rinawm tak leh tama taka hlen turin a chah a ni. Vety Diploma Holder ten an service-a harsatna an nei te chu sorkar hotute nen sawihova chinfel mai thei a nih thu a sawi bawk.
Khual Zahawm Vety Director Pu L.B.Sailo pawhin thu sawiin Vety Dept. hnuaiah Project thar tam tak bawhzui tur a awm dawn a, heng zawng zawng hlawhtlinna tur chuan field staff an pawimawh ber a, rilru thar leh inpekna thinlung tak tak nena ram hmasawnna tura thawhho kan ngai a ni, a ti. NLUP hnuaiah pawh trade thlan ber chu ranvulh a nih avangin department-a staff leh sum indaihlohna te chu sorkar hnena thlen a, a tul ang zela mamawh phuhruk a nih theih a beisei thu a sawilang bawk. India ram Gross Domestic Product zinga 34% chu animal husbandry lam a nih avangin ram sum leh pai dinhmun innghahna department pawimawh tak an nih thu sawiin Vety Director chuan Mizoramin sa lama intodelhna tura kum khata sum mamawh zat chu cheng vaibelchhe 180 a ni, a ti. AH&Vety department chuan chhungkaw tam tak eizawnna nghet a siam sak tawh a, sa, bawnghnute leh artui-ah Mizoram intodelhnan department chuan theihtawp chhuahin tan a la mek zel a ni, a ti.
Vety Diploma Holder Association hnuaiahLivestock Superintendent - 5, J.M./J.E.O./P.I. - 25, SVFA/AFM - 24 leh V.F.A. - 151, an zavaiin member 205 an awm mek a ni. Vawiin Conference hawnna inkhawmah hian kum kalta 2008-2009 chhunga member 9 boral tate sunna hun an hmang nghal a ni.
Khual Zahawm Vety Director Pu L.B.Sailo pawhin thu sawiin Vety Dept. hnuaiah Project thar tam tak bawhzui tur a awm dawn a, heng zawng zawng hlawhtlinna tur chuan field staff an pawimawh ber a, rilru thar leh inpekna thinlung tak tak nena ram hmasawnna tura thawhho kan ngai a ni, a ti. NLUP hnuaiah pawh trade thlan ber chu ranvulh a nih avangin department-a staff leh sum indaihlohna te chu sorkar hnena thlen a, a tul ang zela mamawh phuhruk a nih theih a beisei thu a sawilang bawk. India ram Gross Domestic Product zinga 34% chu animal husbandry lam a nih avangin ram sum leh pai dinhmun innghahna department pawimawh tak an nih thu sawiin Vety Director chuan Mizoramin sa lama intodelhna tura kum khata sum mamawh zat chu cheng vaibelchhe 180 a ni, a ti. AH&Vety department chuan chhungkaw tam tak eizawnna nghet a siam sak tawh a, sa, bawnghnute leh artui-ah Mizoram intodelhnan department chuan theihtawp chhuahin tan a la mek zel a ni, a ti.
Vety Diploma Holder Association hnuaiahLivestock Superintendent - 5, J.M./J.E.O./P.I. - 25, SVFA/AFM - 24 leh V.F.A. - 151, an zavaiin member 205 an awm mek a ni. Vawiin Conference hawnna inkhawmah hian kum kalta 2008-2009 chhunga member 9 boral tate sunna hun an hmang nghal a ni.
