3956/2023-2024

Aizawl, the 26th February 2024: Vawiin khan Mizoram University chuan Convocation vawi 18-na an nei a. He hunah hian Pu Jagdeep Dhankar, India Vice President chu khuallian a ni a. Governor Dr Hari Babu Kambhampati, Chief Rector, MZU ni bawk, Chief Minister Pu Lalduhoma leh Prof Prakash Bartunia te chu khualzahawm an ni thung.

Convocation programme tan hma hian Vice President hian MZU Campus-ah Herhse thing tiak a phun hmasa a ni.

Pu Jagdeep Dhankar, Vice President chuan a convocation address-ah zirlai te chu kumtluana an hahpui, rim taka lehkha zira an sual chhuah Degree tha tak tak an nei thar chu a lawmpui tih a sawi a. Mizoram chhunga mi leh zirlai te chu midang te aia tang zawk tura chahin an hmaah tih tur leh hmalak tur tam tak a nghal tih a sawi. Act East India hnuaia hmalakna hrang hrang te a tahtawlin tihhlawhtlin mek a ni a, thawh tur tam tak hengah te hian a awm dawn a. Tourism sector ah phei chuan thawhtute a tam hle a ni a ti. Thalaite chu India Ram hmasawn leh than nasat lai takin an vanglai an hmang chu an vannei a tih thu a sawi a. India ramin Ram hausa leh ram changkang 2047 a lo thlenin nih a tum tih a sawi a; hemi atan hian Mizoram thalaite chu a thawh hlawk ber zingah tel tum turin a chah a ni.

Convocation hi Registrar Prof Lalnundanga chuan Prof Dibakar Chandra Deka, Vice Chancellor, MZU phalna lain a hawng a. Vice Chancellor in inlawmna thu sawiin a chhunzawm nghal a. He hunah hian Degree, Gold Medal leh prize dawngtute zinga thlanchhuah ten Vice President kut atangin a Degree leh Medal te an dawng a ni.

MZU 18th Convocation abstract

Convocation a tel mahni ngei a degree latu zat:

Doctor of Philosophy - 110,

Master’s Degree - 518,

Master’s Professional - 141,

Bachelor’s Degree with Professional

Courses - 271,

Gold Medalist - 56,

Book Prize - 7

Total - 1104,

Total Number of Candidates in Absentia- 6876

Grand Total of All Degrees Awarded- 7980