DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/vice-president-mvenkaiah-nadu-in-governor-pillai-lehkhabu-ziah-125-na-naktukah-tlangzarh-dawnp

Vice President M.Venkaiah Nadu in Governor Pillai Lehkhabu ziah 125-na naktukah tlangzarh dawn

No.6932/2020-2021

Naktuk(18.12.2020) chawhnu dar 4 hian Vice President M. Venkaiah Naidu chuan India International Centre, New Delhi-ah Mizoram Governor P.S. Sreedharan Pillai ziah Lehkhabu 125-na, Saptawnga Hlaphuah dahkhawmna ‘Oh, Mizoram’ chu a tlangzarh dawn a. He Lehkhabu hi COVID-19 avanga thla 10 chhung inkharkhipna hnuaia a lehkhabu ziah 18 zing a mi a ni a. Governor Pillai hian thupui hrang hrang - history, law, political science, economy, social, travelogues, poetry, satire, literature, etc., huangah te thu leh hla a ziak thin a ni.

Governor Pillai ziah Lehkha 125-na hi Indus Scrolls Press in a chhut a ni a. He Lehkhabu tlangzarhna inkhawm hi Dr. Jitendra Singh, Hon’ble Minister of State i/c PMO in a kaihruai dawn a. He hunah hian Chief Minister Pu Zoramthanga pawhin thu a sawi dawn a. Pu VP Joy, IAS, Secretary, Coordination & Security, Cabinet Secretariat leh Pu Prafulla Ketkar, Editor, Organiser te pawhin thu an sawi bawk ang.