3945/2023-2024
Aizawl, the 23rd February, 2024: No. RO/TRF/SP-Noti-7/08/1476 Dt.22.02.2024 hmanga Public Notice lo chhuah tawh chu Shri. Jagdeep Dhankhar, Hon'ble Vice President of India-in Budget Session of the 9th Legislative Assembly, 2024 ah thu a sawi dawn avang leh hun a hman zawha Lengpui Airport a pan leh nghal dawn avangin Sr. SP Traffic Pu Stephen Lalrinawma chuan a hnuaia mi ang hian thupek thar a chhuah.
1. Lengpui Airport to Mizoram State Legislative Assembly House; via Lengpui, Sihhmui, Sairang (Zero Point), Phunchawng, Rangvamual, Hunthar, Vaivakawn, Dawrpui Vengthar, Dinthar, Tuikual North, Tuikual South leh Venghlui inkar kawngpui dungahte hian ni 26.02.2024 (Thawhtanni) zing Dar 07:30 atanga tlai Dar 03:00 inkarah lirthei, bungrua leh thildang engmah dah phal a ni lo.
2. Vaivakawn to Mizoram University; via Luangmual, Chawlhhmun, Tuivamit, Sakawrtuichhun leh Tanhril inkar leh Zohnuai leiminna peng atanga Ropaiabawk inkar kawngpui dungah te hian ni 26.02.2024 (Thawhtanni) zing Dar 07:30 atanga chawhnu Dar 01:00 inkarah lirthei, bungrua leh thildang engmah dah phal a ni lo.
3. HMV/ MMV tlan phalloh hun chhung: Ni 26.02.2024 (Thawhtanni) zing Dar 08:30 atanga 10:30 leh chhun Dar 12:00 atanga tlai Dar 03:00 inkarah lirthei lian (HMV, MMV) te Thuampui leh Sairang inkarah tlan phal a ni lo.
VVIP chet vel chhung hian kawngpui dan chah a nih dawn avangin lirtheia veivakte'n harsatna an tawh loh nana lo inhmakhua lawk turin Sr. SP Traffic chuan a ngen a ni.
A chunga tarlan kawngpui dunga lirthei chhia emaw bungrua emaw kawng dala awmte chu Traffic Control Room-ah (Ph:0389-2313061/9366553559) report tur a ni a. In report lote chu hnuhsawn/dahsawn sak an ni ang.
