No.380/2020-2021

Vawiin khan Union Agriculture Minister Narendra Singh Tomar hovin kumin 2020 atana National Conference on Kharif Crops chu Video Conference hmanga neih a ni a. He Kharif Conference-ah hian kumin fur lo thleng tur atana inbuatsaihna chi hrang hrang – thlai chi lam te, thlai ven himna lam te, lei tih thatna (fertilizers) lam te, leileh-na atana hman tur khawl lam te a tam tawk em tih te, thlai chi a hun taka ching thei tura inbuatsaih a tul chungchang te sawiho a ni a. Khawkheng avanga harsatna awm thei laka inven dan tur te, leitha hman chungchang leh thlai venhimna ngaihpawimawh a tul zia te, loneitute sum deh chhuah tihpun dan tur te, COVID-19 avanga thlai thar hralh dan tur chungchangte leh Lockdown avanga loneituten an hnathawh bahlah lova an chhunzawm zel theih dan tur te an sawiho a ni.

He Video Conference hi Pu Lalhmingthanga, Commissioner & Secretary, Agriculture Department hovin Agriculture Official dangten an hmang a ni.