District Level Vigilance & Monitoring Committee chu vawiin khan Chairman Pu C.L.Ruala, MP (Lok Sabha) hovin DRDA Conference Hall-ah an thukhawm a. Aizawl District chhunga Rural Development programme hna thawh leh hmasawnna te an thlir ho.

He meeting ah hian Ministry of Rural Development hnuaia programme hrang hrang, MGNREGS, IAY, SGSY, IWDP, PMGSY,ARWSP, TSC, RGGVY leh NSAP a hmalakna te sawi ho a niin member MLA ten an bial chhunga heng programme kalpui meka duhthu samlo laite leh tan lakna tur te an sawi a. Heng programme kalpui tu department hrang hrang aiawh ten an hmalakna dinhmun hnuhnung te an sawi fiah bawk a ni. Ministry of Rural Development hnuaia programme hrang hrang te chu hlawhtling taka tih puitlin a nih theih nan hma lak dan tur te ngaihtuah ho a ni a. Vigilance & Monitoring Committee chu tun aia awmze nei leh chak zawka hna thawk thei turin kalpui ni se, tih he meeting ah hian sawi lan a ni.