4182/2025-2026

Dated Serchhip, the 28th January, 2026: Vawiin khan Vigilance Secretary Pu YLN Reddy chuan Serchhip a tlawh a. DC Pu Paul L Khuma leh a thawhpuiten lo dawngsawngin, DC Meeting Hall ah an thukhawm.

Pu YLN Reddy chuan sawkar department ten mahni department theuhah mipuite lungawilohna thlenna leh chinfel dan tur grievance redressal mechanism kan neih te leh district administration anga kan neih te chhinchhiah leh vawn that kawngah kan chak lo fo thin, a ti a. Tha taka documentation siam a tul thu leh sawrkar laipuiah data thehluh a tul pawha kan hman tangkai theih tur record tha kan vawn a tul thu a sawi a. Mizoram State in Vigilance leh ITC lama hma an lakna leh an hmachhawp te a sawi bawk.

Vawiin meeting DC Pu Paul L Khuma kaihhruaiah hian Additional DC Pu Lalrinzuala leh DC Office a officer te an tel a. Mipuite tana tangkai, awm ze nei leh tha zawka hnathawh dan tur sawihona hun hman a ni a. SDC Pu Vanthangpuia chuan powerpoint hmangin Vantlang Viltu, CPGrams, Mipui Aw leh District Plan and Project Monitoring System (DPPMS) chungchang a sawifiah bawk.

Vigilance Secretary Pu YLN Reddy hian vawin vek khan Serchhip chhuahsanin Aizawl a pan a ni.