Vawiin khan Home Secretary Pu K. Riachho, IAS, hoin a Office Chamber-ah kumin a Vijay Diwas lawm dan tur a kaihhnawih Department hrang hrang ten an rel ho.

He Meeting thuhma sawiin Pu K. Riacchho chuan Indona a sipai thite chawimawina leh ram tana anin pekna hriatreng nan kumtinin Mizoramah pawh Aizawl a War Memorial Treasury Square ah hman thin a ni a. Kuminah pawh hian a ni tak December ni 16 hi Pathianni a nih avangin remchan zawkna ngaihtuahin December ni 18, 2012 zing dar 8:30 - 9 inkarah hian hman a ni dawn a ni, a ti a. Kumdang ang bawkin urhsun taka hman tum a ni, a ti.

Hemi ni khuallian atan Mizoram Governor Pu Vakkom Purushothaman a ni ang a. 26th AR in Pipe Band nen remin ram tana nun chante leh an chhungte tan tawngtaina hun hman a ni ang a. Ram hruaituten zahna pangpar War Memorial ah hian an dah dawn bawk a ni.