Vawiin chhun dar 12:00 khan Deputy Commissioner Office Chamber, Siaha-ah Political Party hrang hrang aiawhte, Tlawmngaipawl hrang hrang aiawh te leh Official sawm bik ten Siaha District chhunga Village Council 9 a By-Election neih dan tur chungchang zirhona leh sawihona an nei.

Heng By-Election neihna tur Village Council te chu :- 39-Siaha Assembly Constituency hnuai-ah New Siaha ‘West’, No-aotlah-II leh Chhaolo-II te an ni a, 40-Palak Assembly Constituency hnuai-ah VC 6 :- Amobyu Vaithie, Mawhro, Chapi-II, Pala, Miepu-II leh Lopu-II te an ni. Heng Village Council pakua a Voter awm zawng zawng chu Mipa-1933 leh Hmeichhia-2105 an vaiin 4038 an awm a ni.

Draft Electoral Roll hi naktuk 1.11.2016 khian puanzarh a ni dawn a, he Draft E-Roll a Claims & Objection hun atan 1-10.11.2016 thleng hawn a ni anga, Final E-Roll chu 15.11.2016 ah chhuah a ni ang.