No.3643/2020-2021

State Election Commission thupek angin District 9 (pakua) - Aizawl, Lunglei, Serchhip, Champhai, Mamit, Kolasib, Saitual, Khawzawl leh Hnahthial District chhunga Village Council Electoral Rolls buatsaih hna chu District tina Deputy Commissioner/District Election Officer, Electoral Registration Officer leh Asst. Electoral Registration Officer te'n buaipuiin 01.01.2020 qualifying date a hmangin ni 13.03.2020 khan Draft Electoral Rolls tar chhuah a ni.

He Draft Electoral Rolls a thun hmaih emaw thun tawh sawisel duh neite'n ni 14.03.2020 atanga ni 18.03.2020 thleng khan Electoral Registration Officer emaw Asst. Electoral Registration Officer te hnenah dilna form a bika siam hmangin an theh lut a, 31.03.2020 a Final Electoral Rolls tih chhuah hman tura inbuatsaihna a kal mek laiin COVID-19 hripuiin khawvel pum tuamin Mizoram ngei pawh a tuartute zingah kan tel ve a, hemi avang hian Summary Revision thawh lai chu 19.03.2020 atang khan tiam chin awm lovin tih tawp lailawk a ni a. State Election Commission chuan hun bi thar mat lehin ni 15.07.2020 - 21.07.2020 chhung khan inthun luh dilna leh sawiselna te chin fel hna thawh a ni.

Village Councils 556 tana Inthlanpui, 2020 a hman tur Final Electoral Rolls hi ni 29.07.2020 khan District Headquarters tinah tar chhuah a lo ni ta a. District 9 (pakua)-ah hian vote nei thei mi 4,55,597 an awm a, heng zinga mi 2,25,068 hi mipa an ni a, mi 2,30,529 hi hmeichhia an ni. Kum 2015 Village Council inthlana vote nei thei (mi 3,96,610) aiin mi 58,987 in an pun belh a ni. District 9 (pakua)-a voter punna belhkhawm hi 14.87% a ni. Electors tamna ber chu Lunglei District niin, kum 2020 Village Council inthlana vote thlak thei tur mi 87,460 an awm a; vote nei thei tlemna ber chu Hnahthial District niin mi 21,427 vote nei an awm a ni. District 9 (pakua) chhunga Village Council zinga electors tamna ber chu Lunglei District chhunga Chanmari niin mi 3,220 an awm a, Lunglei District-a Thehlep chu electors tlemna ber Village Council niin mi 31 in kum 2020 Village Council inthlanah hian vote nei an awm thung. District pakua (9) a Village Council Final Electoral Rolls a Elector awm zat chu hetiang hi a ni:- 

He Final Electoral Rolls hi State Election Commission office, Electoral Registration Officers' office, Asst. Electoral Registration Officers' office ah leh VLO hnenah a duh apiang tana en theih tura tar chhuah/ dah a ni.