Mizoram State Election Commission chuan April ni 30, 2015 a Village Council Inthlan neih turah Serchhip District chhungah tluang tak leh felfai taka inthlan buatsaih anih theih nan hetiang hian ruahmanna a siam :
1. April ni 15,2015 tlai lam dar 4:00 PM atanga April ni 30, 2015 tlai lam dar 5:00 PM inkarah Opinion Poll/Exit Poll neih khap tlat a ni.
2. Serchhip District chhung Village Council hrang hrang a Ballot Paper hman turte buatsaih turin heng mite hi Team of Officers atan ruat an ni :
1) Pu L. Rinliana, SDO(Sadar)
2) Pi B. Malsawmtluangi, SDC
3) Pu Lalfakawma Chhakchhuak, SDC 3. Sawrkar Building, Vantlang hmun leh kawngpuiah te Political Party emaw Candidate fakmawina lam thuziak leh Poster tar khap a ni.
4. Inthlanni ah Party-in emaw Candidate ten emaw Vote thlak tur tumah Motorin an phur khawm tur a ni lo.
5. Sum leh pai leh thildang hmanga intham te, invau te, Zu leh ruihhlo lam chi reng reng sem khap tlat a ni.
6. April ni 28, 2015 tlai Dar 5:00 PM hnu lamah Political Party / Candidate ten Election Campaign an nei thei tawh lovang.
7. Vote thlak ni ah eng Party mahin Election Office/Camp siam lovin Common Election Camp siam tur a ni. Hei hi Party tin leh Candidate ten an Office/Camp-ah an ring nghal ang. He Camp-ah hian Party Flag emaw, Poster leh Candidate Symbol emaw tar phal a ni lovang.
8. Village Council Election, 2015 chungchanga harsatna leh zawhfiah duh neite tan Helpline No. 03838-226099 leh 03838-226105 ah te Office hun chhungin zawhfiah theih reng a ni.
