No.4162/2020-2021 

Vawiin chawhnu khan Kolasib bawrhsap pisaah Village Council inthlanna lo awm tur chungchanga hmalak dan leh ruahmanna kal mek inhrilhhriatna hun Kolasib Bawrhsap Dr H Lalthlangliana’n a nei a, Kolasib district chhunga Political party aiawhte an tel a ni.

Dr H Lalthlangliana chuan, Village Council inthlanna fair tak neih a nih theih nan Kolasib district-ah inbuatsaihna kalpui mek a nih thu a sawi a, “District chhung a Political party hrang hrang ten aiawh inruat a, heng kan inbuatsaihna te hi a rintlakin a tha tawk a nih tih a tak ngei a min hmuhpui thin ka duh a ni,” a ti a, Political party aiawh felfai tak ruat theuh a nih chuan Kolasib district chhung a inthlan chungchanga hriattur pawimawh inhrilhhriatna kawngah leh inkoh khawm a ngaih chang pawh a Party aiawh kim tak a an tel theuh theihna atan thil tangkai tak a nih ngei a rin thu a sawi bawk a ni. 

Bawrhsap chuan Kolasib district chhungah Constituency 56-ah inthlanna neih a nih tur thu leh hemi atan hian Polling Booth 92 buatsaih a nih thu a sawi a. Returning Officer leh Village Level Officer-te training pek vek an ni tawh a, Presiding Officer-te tan training hi ni 19.08.2020 ah buatsaih a nih tur thu te a sawi bawk a ni. Sector Magistrate ten Election Material pekchhuah zawng zawng an vilpui tur thu leh Village Council inthlanna chu sum hman ralna tlem thei tur ang ber a kalpui tum a nih thu a tarlang bawk.

Dr H Lalthlangliana chuan, Inthlan ni a Polling Booth bul ah mahni serial number zawng a voter pung khawm an awm loh nan PDF a siam, Voter serial number hi thawn chhuah vek a nih tawh thu a sawi a. Vote thlak niah voter te tan harsatna a awm loh nan Polling booth pawn ah, Dummy Ballot paper, enchhin tur tarchhuah tum a nih thu leh, hemi atan hian Election Commission hnen ah dilna a kal mek thu a sawi bawk a ni.