4046/2024-2025

Aizawl, 31.01.2025: General Election to Village/Local Council, 2025 neih tur atana inpuahchahna kal mekah Aizawl district chhunga Presiding Officer (PRO) leh Polling Officer (PO) a ruat te tan nimin (30.1.2025) leh vawiin khan training buatsaih a ni.

Aizawl khawpui chhunga Local Council inthlan duty tur te PRO leh PO te hi Pachhunga University College ah inzirtina neih a ni a. Master Trainer atana a ruat Pi Lalchhanhimi, AC; Pi Christina Lalmuanzuali, U/S Health; Pi Laldinfeli, U/S, GAD; Pi Lalhruaitluangi, DD, UD&PA; Pu Ngurthansanga, DD, LAD leh Pu Vabeimozachhi Chozah, U/S, UD&PA te'n zirtirna an pe a ni.

Aizawl District chhunga BDO thuthmun theuh ah VC inthlan a PRO leh PO duty tur a ruat te tan nimin khan training buatsaih a ni tawh bawk.

Aizawl District huam chhungah hian Local Council 87 leh Village Council 70 a awm a ni. Tun tum Final Electoral Rolls ah hian Local Council Electoral Roll a voter awm zat chu Hmeichhia - 1,31,423 leh Mipa 1,13,303 mipa, an vaiin mi 2,44,726 an ni a. Chhungkua (household) 70,582 awmin, mipa ai a hmeichhia an tamna chu 18,120 a ni. Village Council Electoral Rolls-a Elector awm zat chu Hmeichhia - 31,869 leh Mipa-30,078 ni in an vaiin mi 61,947 an ni a. Chhungkua (household) - 17,878 an awm a ni; mipa ai a hmeichhia an tamna chu 1791 an ni.