District 6-a Village Council leh Aizawl Municipal Council hnuaia Local Council ‘ Inthlanpui hnuhnung ber kha ni 23.2.2012 khan neih a ni a, kum thum hnu ni 23.2.2015 aia tlai lova General Election hi neih leh tur a nih laiin Election Rules thar siam a nih avang leh Assembly Electoral Roll behchhana Electoral Rolls ennawnna neih a nih avangin ni 31.3.2015 thlengin Village Council leh Local Council te term chu pawhsei a ni a. Electoral Roll siam thar a nih avang te, Assembly Budget Session leh sawrkar kum tawp hun hi March thla anih avangin Village Council leh Local Council Inthlanna March thla chhunga neih hi remchang lo a hriat a nih avangin an term hi thla khat dang April thla chhung sawrkarin a extend a. He term pawtsei chhung hian Inthlanna neih hman beisei a ni.

Tun tum Inthlanpui hi Mizoram tan chuan roreltu thlannaah bung thar pawimawh tak kan chuankaina tur - Hmeichhia te, Democracy bulthut rorelnaa an tel ve ngei ngei na tur anih avang leh kum nga chhung atana roreltu inthlanna tur anih avangin tunhma zawng aiin mipui ngaihven leh inthlanna ngaihhlut tak tur a ni.

 1.      VILLAGE COUNCIL : A hnuaia mi hi Vote neih zat, seat zat, hmeichhe seat leh Polling Station/ Polling Booth zat etc. te a ni. (Provisional)

 2.      LOCAL COUNCIL : A hnuaia mi hi Vote neih zat, seat zat, hmeichhe seat leh Polling Station/Polling Booth zat etc. te a ni. (Provisional)

Electoral Roll siam dan thar avang hian kan Electoral Roll hman tur hi a felfai hle a ngaih a ni. Draft Roll a Voter 1,95,563 awm laiin, Final Roll ah chuan voter 1,92,382 a lo ni ta a. Voter 3181 paih an ni.

Aizawl Municipal Council hnuaia Local Council 83 leh District 6 a Village Council 536 ah te hian April 2015 chhungin inthlanpui buatsaih tura inpeih thawkhat a ni tawh a ni.