No.6478/2020-2021

Aizawl, the 9th November 2020 : Mizoram Sawrkar chuan kan boruak rip tak karah mipuite rilru chhawk zangkhai nan ni hnih awh (10-11 November) Virtual Anthurium Festival 2020 a buatsaih dawn a. A ni khat naah Chief Minister Pu Zoramthanga chu khuallian leh Pu Robert Romawia Royte, Tourism Minister chu khualzahawm ni tura beisei an ni.

COVID-19 avanga zin veivah leh mipui punkhawm tun dinhmunah a rem loh avangin media partner hrang hrang LPS, Zonet, DDK te leh social media Youtube, Facebook leh Instagram kaltlangin Virtual Anthurium Festival hi livestream a pekchhuah tum a ni. Tourism Department chuan Sorkar in SOP a chhuah bawhchhe lovin he Virtual Festival hi buatsaih an tum a. Mizorama zaimi lar tak tak te leh band ten mipui an awih bakah traditional costume show te leh hnam lam te chhawpchhuah a ni ang.