No.817/2021-2022
Aizawl, 4th June, 2021 : Aizawl District chhunga Covid-19 hrileng do na atana Health Care Delivery Infrastructure dinhmun leh mamawhna awm te Dr. Lalhriatzuali Ralte, IAS Deputy Commissioner, Aizawl District chuan zir chiangin a theihna a pianga Corporate/NGO/Trust leh Foundation te CSR hmanga theihtawp an chhuah a tul niin a hria a, chutiang tur chuan Deputy Commissioner’s Office, Aizawl District chuan hma an la a. Hemi buaipui tur bik hian Pu Priyank Kishore, IAS Assistant Commissioner Deputy Commissioner’s Office chu ruat a ni a, ani hian hma la nghal in Vision IAS Academy, New Delhi be pawpin a tul angin a bawhzui ta a ni.

 Ni 3.6.2021 (Ningani) khan Vision IAS Academy, New Delhi atangin DC Office, Aizawl chuan PPE kit 2000, N95 mask 2000, Surgical Mask 2500 leh Pulse Oximeter 150 te a dawng a. Heng bakah hian Oxygen concentrator leh medical equipment dang pawh hun reilote ah doner dang atanga dawn leh beisei a ni. Heng hmanrua te hi Frontline worker-te tan leh hrileng dona kawngah tangkai taka hman tum a ni.

Hun harsa tak kara Vision IAS Academy, New Delhi te inpekna avangin Deputy Commissioner Aizawl chuan Pu Ajay Singh, Founder & Director of Vision IAS Academy chungah District mipui aiawhin lawmthu a sawi a ni.