No.698/2021-2022 

Aizawl, 27^th May, 2021 : Pu Lalsawma, Jt.Director (F&D) -cum- Dy.Commisioner of Food Safety Directorate of Health Services, Govt. of Mizoram chuan Vitamin C chi khat “VITRA-C 500” chu ei atan a him loh thu a hnuaia tarlan ang hian thuchhuah a siam.

“Mizoram FDA chuan damdawi zuartu ‘marketer’ pakhat Sanatra Health Care, Dehradun (Uttarakhand)-in a zawrh chhuah  Vitra-C 500 (Vitamin C leh Zinc inpawlh) chu mihring ei atan a him tawk lo tih a hmuchhuak a. A zuar chhuaktu Sanatra Health Care pawhin hei hi hriain, a zawrh chhuah tawh zawng zawng koh kirna (Recall Order dt.24.5.2021 leh dt.27.5.2021) a tichhuak zui a.

Chuvangin, he Recall Order ang hian Vitra-C 500 Tablets / Jar -te chu Mizorama damdawi zuartu zawng zawngin an kawl a nih pawhin an hralhchhuak tawh tur a ni lova. An kawl laite chu bialtu FDA Officer-te hriatpuinain an laknaah an thleng leh vek tur a ni. Ei atana lei tawhte pawhin he product hi ei zawm loh tur a ni.”