Vawiin chawhma dar 10:30 khan School Education Conference Hall-ah High School-a zirlai Vohbik-te enkawl dan turah Orientation Training neih a ni a. He training hi SCERT leh RMSA ten an buatsaihah hian Pi Malsawmthangi, Director SCERT in khuallian niin a hmanpui.

Pi Malsawmthangi chuan Vohbik-te enkawl hna hi SCERT in kum 30 vel a kalpui tawh a, chumi hnuah RMSA kuta dah a nih tak dan a sawi a. Rualban lote hian anmahni enkawl tute hi eng rilru pu nge an nih tih an hre thuai thin a, khawvelin a enkawl dan leh a ngaihdan a danglam zel a, an tih theih zawng leh thiam theih zawng  a danglam mai a ni, a ti a. Anmahni enkawlnaah rilru dik put a tul thu a sawi.

He Orientation Training ah hian Pi Sangzuali Vanchhawng, Special Education officer, SCERT, Pu V.L.Malsawma, Dy. State Project Director, RMSA, Pu Lalliansanga, FAO, RMSA, Pu Zothankima, Coordinator IEDSS, RMSA, Pi Lalremsangi Asst.MIS Coordinator, RMSA ten zirtirna pe in hun an hmang a ni.

He Orientation Training hi Pu C. Chawngthantluanga Dy. State Project Director leh Coordinator-te, District tin a IEDSS Coordinator te an tel a ni.