Vawiin chawhnu dar 1:00 khan DC Indoor Stadium, Lunglei-ah 16.5.2009 a inthlanna vote chhiar dan training neih a ni. He training hi Pu K. Laldingliana, E.O in a kaihruai a. Pi M. Zohmingthangi IAS, Deputy Commissioner leh District Election Officer nibawk chuan thusawina neiin vote chhiar hi Election process ah stage pawimawh berte zing ami a ni a, kan District ah MP leh MLA Bye-election vote kan chhiar rual dawn avangin counting official te uluk leh fimkhur taka mahni hna te thawk theuh turin a chah. MLA Bye-election Postal Ballot Paper chhiarna neih hmasak ber a ni ang a, chumi hnuah EVM vote chhiarna neih a ni dawn a ni, a ti. Counting official-te 16.5.2009 zing dar 6:00 ah Counting Hall area ah kim vek a, dar 8:00 ah vote chhiar tan a ni dawn a ni, a ti. Thawhhona tha tak hnuaiah vote chhiarna tluang taka nei turin kalkhawmte te tawiawmna leh inpekna a ngen. Pu R. Lalramnghaka, Returning Officer, South Tuipui A.C. pawh in tul leh pawimawh hriatturte sawina a nei bawk.