670/2024-2025

Aizawl, the 4^th June, 2024: 1- Mizoram (ST) Parliamentary Constituency hnawhkhahna tura General Election to the Lok Sabha, 2024-a vote tla chu  vawiin khan chhiar zawh niin, naktip June ni 6, 2024 hian election process zawhfel a ni ang.

Mizoram chhunga District 11 huamchhunga Assembly Segment 40 a vote tlate chu tukin dar 8:00 atang khan Counting Centre 13 a Counting Hall hrang hrang 40 ahte boruak muanawm tak hnuaiah chhiar a ni. 22-Tuichang Assembly Segment, Khawzawl District-ah vote chhiar zawhfel hmasak ber niin, 8:55 AM khan an chhiar zo a, chhun dar 12:00 hma khan vote chhiar hi zawhfel thawkhat niin result tlangpui pawh a hriat theih tawh a, chak leh mumal nei zawka vote chhiar a ni ta hi thil lawmawm tak a ni.

March ni 16, 2024-a ECI in General Election to Lok Sabha, 2024 a puan atanga a tul ang angte buaipuia inthlanna hlawhtling tak buatsaih a nih theih nana theihtawp chhuahtu Official-te chungah Election Department chuan lawmthu a sawi a. Inthlanna muanawm, felfai leh langtlang siam a nih theih nana theihtawp chhuahtu Political Party, Security Forces, Media, Kohhranho, MPF leh NGO-te fakawm a ti a, mipuite chungah lawmthu a sawi bawk a ni. ECI in inkaihhruaina a tihchhuahte, Dan leh Sawrkar thupek hrang hrangte tha taka zawm a ni leh inthlanna muanawm leh entawntlak tak kan neih theih avangin mitin hnenah Election Department chuan lawmthu a sawi bawk.