Naktuk mai a Village council inthlan lo awm tur thlir lawk in Champhai District VC Election Observer Dr. C.Vanlalramsanga, IES hovin voin tlai khan Champhai DC Pu H.Lalengmawia, SP John Laldina leh Election Officer Pu Benjamin Lalzama te DC Office Chamber ah an thukhawm.

Election Observer Dr. C.Vanlalramsanga chuan Vote thlak hi kan 'Duty' a nih thu a sawiin, Democracy ramah mipui ten kan duh ber hruaitu kan thlan theih na hmanrua a nih theih nan sorkar in vote thlak hi a siam thu a sawi a. Naktuk VC inthlan lo awm turah pawh hian Vote nei te chuan thlak theuh turin mipuite a sawm a ni.

Vawiin meeting-ah hian Election Officer chuan an inpuahchahna te Observer hnenah report a pe a, SP chuan venhimna kawng a an hmalakna leh an inpuahchahna te a tarlang bawk a ni.

Champhai District chhunga Sectoral Magistrate te duty dan tur chu :

Lengteng - Pu Malsawmzuala, Ngopa BDO

Tuichang - Pu Lalrinzuala, Khawzawl BDO

E. Tuipui - James Lalnithanga, Khawbung BDO

Champhai N - Pi Vanlalmuanpuii DLAO

Champhai S - Pu Pachhunga, SDC