2503/2023-2024

Vawiin tlai khan Mamit District SVEEP hmalakna-in, nitin eichawp zawnga, bazara thute hnenah Vote thlak pawimawhna leh hlutna Dr. Saithantluangi Zote, Nodal Officer SVEEP/ DIPRO chuan an awm hmuna kalchilhin zirtirna a nei.

Systematic Voters' Education & Electoral Participation (SVEEP) hnuaiah hian Vote thlak pawimawhna leh India khua leh tui kan nihna anga kan chanvo, kan tih ngei ngei tur a nih thu inzirtirna kalpui mek zel a ni a. Kan hma lawk MLA General Election - 2023 ah hian India khua leh tui diktak kum 18 tling chinte chuan kan aiawha ram rorel tur rilru fim tak hmanga kan Vote hlutak thlak vek turin SVEEP Mamit District chuan min sawm a ni.

Vawiin zirtirna hunah hian Dr.Saithantluangi Zote chuan nitin eichawp zawnga bazara thute chu India dan hnuaiah zalenna thianghlim tak kan neih angin kan duhna berah vote kan thlak chu kan chanvo a nih thu a sawi a, a bikin hmeichhiate zingah nitin hnaa buai kan nih avangin vote thlak tura hun insiamte harsa ti kan awm thin a, kan aiawha ram hruaitu kum 5 danah chauh thlan thin a ni a, chuvang chuan kan vote khat hi a hlu hle a ni tih hria-a vote thlak vek turin a sawm a. Voters Identity Document (ID) tibo/keng remchang lote tan pawh kan ID dang hmanga vote thlak theih a nih thu a tarlang bawk.