Election Commission of India leh Mizoram sorkarin a duh dan angin Election chungchang hriatnate tizau tur leh Voter-ten an vote hlutna te, vote thlak pawimawhna te an hriat theih nan Mizoram Chief Electoral Officer Pu Ashish Kundra hovin vawiin khan Directorate of Rural Development ten RD Conference Hall-ah‘Voters Awareness Forum’ hun an hmang.

Voters Awareness Forum hawnna inkhawm RD Director Pi Florence Zotluangpuii kaihhruaiah CEO Pu Ashish Kundra chuan vote thlak hi India khua leh tui zawng zawngte tih tur makmawh (duty) a ni a, electoral roll-a awm voter zawng zawngte chuan tun MP Inthlan awm turah vote thlak theuh turin a ngen a. Vote tin hi a hlu a ni tih hre reng chungin thalaite pawh, a bik takin a vawi khatna atana vote thlak turte ‘first-time voters’ te phei chuan an vote hlu tak thlak theuh tura a duh thu a sawi. Nikum khan YMA leh MPF ten MLA inthlan felfai tak neih theih nan theihtawp an chhuah ang khan kumin MP inthlan turah pawh theihtawp chhuahpui leh turin a sawm bawk a ni.

Vawiina Directorate of RD VAF-ah hian resource person atan Addl DC Pu V.L.Hruaizela Khiangte, PD, DRDA, Aizawl Pu V.Lalengmawia leh BDO, Tlangnuam Pu Andy Lalfakzuala Varte ten Election chungchanga hriat tur pawimawh leh sorkar hnathawkte tih tur leh mawhphurhnate an sawi. Pi Lalengvari, Dy. Direcotr (Admn) chu Designated Officer atan ruat a nih bakah report tawi a pe bawk.