Vawiin chawhma dar 11:00 ah tan in Pu K. Riachho, IAS, Chief Electoral Officer Office chamber ah Voter’s Day 2012 hman dan tur ngaihtuahin meeting pawimawh tak neih a ni.
Voter’s Day hi 25th January 2012 niin Vanapa Hall-ah chawhma dar 11:00 ah hman tur a ni. He ni hmanna hi Pu K. Riachho, IAS, Chief Electoral Officer in a kaihruai ang a, His Excellency, Governor of Mizoram chu khuallian tura beisei a ni.
Meeting kalte hmaa thusawiin Pu K. Riachho chuan nikum ah hlawhtling takin hman anih bakah India ram hrang hrangah hmangtute zingah pawh Mizoram chu a hmang tha pawl niin Election Commission pawh in min lawmpui hle a ni, a ti. Chuvangin kumin ah pawh he ni hi hlawhtling taka hman leh turin Committee kalkhawmte inpekna leh thawhhona a ngen a ni.
He mi ni tihlawhtling tur hian Public Leader te, official te, party mite leh he hun a tel tura beisei te kim taka kal theuh a programme tihlawhtling turin Chief Election Officer chuan a ngen a ni.
