National Voter’s Day vawi li na hman dan tur vawiin khan I&PR Auditorium-ah Jt.CEO Pu H.Lalengmawia hovin rel a ni.
He Meeting kaihruaitu Pu H.Lalengmawia, Jt.CEO chuan National Voter’s Day hi inthlang ram kan nih ang a kum tling tawh phawt Electoral Roll a thunluh an nih ngei theih nan leh inthlan niah vote thlaktu tam zawk an awm theih nan a hman anih thu a sawi a. National Voter’s Day hi January ni 25, 2011 atanga hman tan niin, kumtin ram pumah he ni hi Electoral Roll a inthunluh pawimawhna leh vote thlak pawimawh zia inzirtir nan te a hman thin a ni.
Tun kum National Voter’s Day hi Aizawl-ah chuan Vanapa Hall-a hman tura rel niin, Mizoram Larsap chu khuallian tura beisei a ni.
He Meeting-ah Jt. Secy. GAD, Sorkar Dept atang : P&E, Horticulture, Art & Culture, I&PR hotute, S.P Traffic, S.P Aizawl, DDK, AIR lam leh NGO hruaitute an tel a ni.
