Vawiin khan Lawngtlai khawpui chhunga hman tur VVPAT khawlah Election Symbol te dahluh fel a ni a. Party hrang hrang aiawh leh District Nodal Officer te hmuh laiin enchhin nghal a ni.

Kan hma lawka Member of Parliament inthlanna lo awm turah Lawngtlai khawpui chhung Polling Station 17-ah te Vote thlaktuten an vote thlakna an enfiah theihna khawl (VVPAT) hman a ni dawn a. He khawl hi tluang taka hman a nih theih nan khawl siamtu Company Engineer ten kawng hrang hrangin an chho zel a. He enfiahna kal zelah hian vawiin ah pawh DC Conference Hall-ah VVPAT khawl-a Election Symbol te dahluhna neih niin, District Nodal Officer Pu R. L Sangluaia, MCS leh Party hrang hrang aiawhte telpuina hnuaiah heng thilte hi tih a ni.

Symbol dahluhte hi a thain dik takin hna a thawk ngei em tia vote thlak chin leh vek a ni a, vawi engemawzat ennawn an nih hnuah a tha ngeia hriat nih avangin Nodal Officer leh Party aiawh kalkhawmte hian an pawmpuina hming an ziak a ni.