Rampum rualin vawiin khan Mizoramah pawh indonaa sipai huaisen ram leh hnam tana nunna chante hriatrengna Ni ‘War Memorial Day’ hman a ni a. Aizawl-ah chuan War Memorial, Treasury Square hmunah tukin zing khan Mizoram Chief Minister Pu Lal Thanhawla bakah Home Minister Pu R. Lalzirliana leh Assembly Speaker Pu R. Romawia ten hriatrengna pangpar an hlan a ni.

War Memorial Lungphun, Aizawl-a mi hi kum 1948 daih tawha phun tawh a ni a. Vawiin War Memorial Day 2011-a pangpar hlan mi pawimawh dang te chu : Lt. Col.(Rtd) Z.S. Zuala, MLA; Chief Secretary Pu Vanhela Pachuau; Home Secretary Pu K. Riachho, DGP Pu Lalrokhuma Pachuau; DIG Pu Zorammawia; Aizawl DC Pu Shurbir Singh; Addl. DIG, 23 Sector Assam Rifles Col. Pramod Roy; 26 Assam Rifles CO Col. Gaurav Chaturvedi; Director Recruiting Col. Sanjay Krishna; Adm Cdt. Stn. Hqrs. Col. Pandey; Aizawl SP Pu Lalbiakthanga Khiangte, Civil Aviation Principal Consultant Wg. Cdr. Lalzawma, Mizoram Ex-Services League President Col.(Rtd) L.C.Sailo, SM; Col (Rtd) John Zama, SM; Mizoram Home Guards Dy. Comdt. Gen. Maj(Rtd) Zosangliana Hualngo, SM; Capt.(Rtd) R.L. Ngurchhuana; Capt. Laldingzuala, MLI; Capt.Laldinpuia, 6/5 GR, Padma Shree Pi Khawlkungi; ARESA President Sub(Rtd) Subir Limbu; WWII Veteran Assn. President Hav. Lalbiakthanga Pachuau leh Sainik Welfare & Settlement Direcor Surg Lt. Cdr (Rtd) Lalnuntluanga te an ni.

War Memorial Day inkhawm zawhah Ex-Servicemen Office, Treasury Square-ah ex-servicemen zawng zawng leh sipaia tang lai ten thingpui inhona an nei zui a. Nimin tlai khan AR Cinema Hall, 26 Assam Rifles hmunah ruai ‘Barakhana’ an theh ho tawh bawk a ni.