Vawiin khan Lungpuizawl AH&Vety Farm tuilakna RKVY sum cheng nuai 15 seng a siam chu Pu C.Ngunlianchunga, AH&Vety Minister in a hawng.

Lungpuizawl AH & Vety Farm hian tui indaih lohna an tawk thin a. Bawng pui, bawng note leh vawk thleng in tui in tur ah harsatna an tawk thin a, he tui lak hian tui a an harsatna zawng zawng a su kiang tura ngaih a ni a, hei mai bak ah School Of Veterinary Science leh Quarter thleng in tui in tur ah an hnianghnar phah dawn a ni. He tui hi metre 250 a hla Farmtui Lungpuizawl atanga an lak niin tui dahkhawlna hmun ah hian litre 20000 dah thei tura ruahman a ni. He tuilakna hi Punte Infra, Chanmari, Lunglei in a siam a ni.