Vawiin khan Secretariat Conference Hall, New Capital Complex-ah State Level Watershed Development Agency te chu an thukhawm. Meeting hmanpui tur hian sorkar laipui Ministry of Rural Development atangin Director, Department of Land Resources Pu V.M. Arora a lo tel a. Ruahmanna thar Integrated Watershed Management Project Mizorama kalpui ve dan tur chungchang leh he project in a phut sum sen tur 10% state sorkar-in a tum ve dan turte sawi ho a ni a. Kumin 2009 - 2010 chhung atan project 16 kalpui nan Rs. 9,365.25 lakh chu pawm a ni a. Heta tang hian cheng vaibelchhe 5 chu phal sak fel a ni tawh nghe nge.

Sorkar laipui atanga lokal Pu Arora hian naktukah Mamit biala Integrated Wasteland Development Programme a hmalakna a hmunah a tlawh ang a. Mizoram sorkar atangin RD Director leh DRDA Project Director ten an tawiawm ang.