Vawiin chawhma dar 10:30 khan MADC Forest Hall, Saiha-ah  ‘Wel-Fare and Women Rights (IMR & MMR)’ tih thupui hmangin Seminar neih a ni. He Seminar hi Pi P. Chaki, President, Mara Chano Py (M.CH.P) chuan a kaihruai a ni.

He Seminar a Resource Person Pu HTC Lalrinchhana, Chief Judicial Magis­trate, Saiha District chuan Naupang dinhmun a Nu pawimawhna hrang hrang te sawiin IMR leh MMR ti tlem turin Nu te an pawimawh zia leh tan nasa lehzuala an lak a tul thu te a sawi lang bawk. Dr K. Rakhu, MO, District Hospital, Saiha pawhin thu sawiin hemi chungchanga Sawrkar hmalakna hrang hrang te a tarlang bawk. Tlawmngai Pawl hrang hrang tena an tanpuina avanga a lawmthu te sawiin Saiha District tana nasa lehzuala tanlak pui turin a sawm bawk a ni.